കരളിൻ കിളിമരത്തിൽ

കരളിൻ കിളിമരത്തിൽ കാണാത്ത കൂടുകെട്ടി
കവിത പാടിയെന്നെ കളിയാക്കും കിളിമകളേ
കളിവീടാക്കരുതേയെൻ ഹൃദയം നീ
കളിവീടാക്കരുതേയെൻ ഹൃദയം (കരളിൻ..)

കാത്തിരിക്കും കമ്പുകളിൽ
കണ്ണീരിൻ പാടുകളിൽ
കൂർത്ത ചുണ്ടുകളാൽ
കൊത്തി നീ രസിക്കല്ലേ
പാട്ടിൽ ചോര കലർന്നിടല്ലേ (കരളിൻ,..)

നാളെ നീയിരിക്കും
നാമ്പില്ലാച്ചില്ലകളിൽ
വേനൽ വന്നു നിന്നു
തീച്ചൂള തീർത്തിടുമ്പോൾ
താഴെ വീഴല്ലേ നിൻ സദനം (കരളിൻ..)