മോസയിലെ കുതിര മീനുകൾ

പേര് സൂചിപ്പിക്കും പോലെ തന്നെ വളരെ വ്യത്യസ്തമായ ഒരു കടൽ ചിത്രമാണ് മോസയിലെ കുതിര മീനുകൾ. മോസയിലെ എന്നാൽ തിരമാലകൾ എന്നും കുതിരമീനുകൾ എന്നാൽ പരസ്പരം പോരടിക്കുന്ന മീനുകൾ എന്നുമാണ് ലക്ഷദ്വീപ് ഭാഷയിൽ അർത്ഥം. പൂർണമായും ലക്ഷദ്വീപിലും കടലിലുമായി ചിത്രീകരിച്ചിരിക്കുന്ന ഈ ചിത്രം ആസിഫ് അലി നായകനാവുന്ന ആദ്യത്തെ ഒരു ബിഗ്‌ ബജറ്റ് ചിത്രമാണ്. നായികയായി ആൻഡ്രിയ ജെറമ്മിയയെ ആയിരുന്നു ഉദ്ദേശിച്ചിരുന്നതെങ്കിലും പിന്നീട് ആ സ്ഥാനത്ത് സ്വാതി റെഡ്ഡി വന്നു. നവാഗതനായ അജിത്‌ പിള്ളയാണ് സംവിധാനം.