ഒറ്റക്കൈയ്യൻ

പരസ്പരം പോരടിക്കുന്ന രണ്ട് വിഭാഗങ്ങളുടെ പ്രവർത്തകരായ മിസ്റ്റർ എ (അരുൺ), മിസ്റ്റർ ബി (അശോകൻ‌) എന്നിവർ തങ്ങളുടെ നേതാക്കൾ വർഗ്ഗീയ വിദ്വേഷം വളർത്താൻ തങ്ങളെ ഉപയോഗിക്കുന്നു എന്നു മനസ്സിലാക്കുന്നു. നാട്ടിൽ നിൽക്കാൻ കഴിയാതെ ആത്മഹത്യ ചെയ്യാൻ തെരഞ്ഞെടുക്കുന്നത് ഒരു തുരുത്തിനെ ഇരു കരകളുമായി ബന്ധിപ്പിക്കുന്ന ഒരു റെയിൽ പാളമാണ്. ആ തുരുത്തിൽ ആകെയുള്ള വീട് ഒറ്റക്കൈയ്യൻ വാസുവിന്റെ (ഹരിശ്രീ അശോകൻ) വീടാണ്. രാത്രിയിൽ എന്തോ ആവശ്യത്തിനായി പുറത്തേക്ക് പോയ വാസുവിനെ കാത്തിരിക്കുന്ന ഭാര്യ (റാണി ബാബു), മകളുടെ ബന്ധം ഇഷ്ടമല്ലാത്തതുകൊണ്ട് മരുമകനെ കൊല്ലാൻ കള്ളത്തോക്കും തയ്യാറാക്കി കാത്തിരിക്കുന്ന അമ്മായിയപ്പൻ കള്ളത്തോക്ക് കണാരൻ (ടി ജി രവി) എന്നിവരിലൂടെയാണ് ചിത്രം ആരംഭിക്കുന്നത്.

ഈ രണ്ട് ചെറുപ്പക്കാരും വാസുവിനെ രണ്ട് സ്ഥലങ്ങളിലായി കണ്ടുമുട്ടുന്നു. വാസുവിന്റെ സ്നേഹപൂർണ്ണമായ ഉപദേശങ്ങൾക്കൊടുവിൽ വർഗ്ഗീയ വിദ്വേഷങ്ങളൊക്കെ മറന്ന് ജീവിതത്തിലേക്ക് തിരിച്ചു വരുന്നു.