ഭൂമിതൻ സംഗീതം നീ

ഭൂമിതൻ സംഗീതം നീ
മണ്ണിലും വിണ്ണിലും
പൊൻതുടിപ്പാട്ടുമായ് നീ
പൊൽത്തരംഗങ്ങളായ്
നൃത്തമാടുന്നിതാ
സൗവർണ്ണ നാദമായ്
സന്ധ്യതൻ വീണയിൽ
(ഭൂമിതൻ..)

ചക്രവാളങ്ങളിൽ
കിളികളിൽ പൂക്കളിൽ
നിറയും സംഗീതമായ് വരൂ
മേഘസംഗീതം തരൂ
മണിമുകിൽ കിളികളാൽ
പൂവിനെ താരാട്ടുമീണം തരൂ
ദേവീ നിൻ കോവിലിൽ
സോപാനഗാനം
പാടുവാൻ വന്നു ഞാൻ
ഭൂമിതൻ സംഗീതം നീ

പുഷ്യരാഗങ്ങളാം
ലിപികളിൽ ദേവി നീ
എഴുതും ഗീതങ്ങൾ പാടിത്തരൂ
നൂപുരതാളം തരൂ
തിരകളാൽ കരകളെ
തഴുകുമുന്മാദഗീതം തരൂ
(പുഷ്യരാഗങ്ങളാം..)

ദേവീ നിൻ കോവിലിൽ
സോപാനഗാനം
പാടുവാൻ വന്നു ഞാൻ
ഭൂമിതൻ സംഗീതം നീ
മണ്ണിലും വിണ്ണിലും
പൊൻതുടിപ്പാട്ടുമായ് നീ
പൊൽത്തരംഗങ്ങളായ്
നൃത്തമാടുന്നിതാ
സൗവർണ്ണ നാദമായ്
സന്ധ്യതൻ വീണയിൽ