നീയെൻ കിനാവോ

Is it 66557 ?

Yes

May i speak to Miss sunitha menon ?

No..its wrong number

നീയെന്‍ കിനാവോ പൂവോ നിലാവോ
രാഗം തുളുമ്പും പൂന്തേന്‍ കുഴമ്പോ
നീയെന്‍ കിനാവോ പൂവോ നിലാവോ
രാഗം തുളുമ്പും പൂന്തേന്‍ കുഴമ്പോ
നീയെന്‍ മധുമതി മലര്‍മിഴി മധുകണമുതിരും
രതിലയസുഖമായ് അമൃതിനു കുളിരായ് അഴകിനുമഴകായ്
ചിറകിനും ചിറകായ് ചിരികളില്‍ ഉയിരായ്‌ വാ

നീയെന്‍ ഗാനങ്ങളില്‍ നെഞ്ചിന്‍ താളങ്ങളില്‍
കാണും സ്വപ്നങ്ങളില്‍ സ്വര്‍ഗ്ഗം തീര്‍ക്കുന്നുവോ (2)
നീയെന്‍ കനവിനു നിറമായ് മലരിനു മണമായ്
കരളിനു സുഖമായ് കലയുടെ ചിറകായ്
മിഴിയുടെ തണലായ് മൊഴിയുടെ കുളിരായ്
കവിതകള്‍ പാടാന്‍ വാ
(നീയെന്‍ കിനാവോ )

നീയെന്‍ കണ്ണീരിലും കാറ്റിന്‍ താരാട്ടിലും
കാണും വര്‍ണ്ണങ്ങളില്‍ ജന്മം തേടുന്നുവോ
നീയെന്‍ കണ്ണീരിലും കാറ്റിന്‍ താരാട്ടിലും
കാണും വര്‍ണ്ണങ്ങളില്‍ ജന്മം തേടുന്നുവോ
നീയെന്‍ പുലരിയില്‍ ഉദയം സിരകളില്‍ അമൃതം
മൊഴികളില്‍ മധുരം മിഴികളില്‍ നീലം
കുളിരിനു കുളിരായ് കുയിലിനു സ്വരമായ്
കിളിമൊഴി കളമൊഴി വാ
(നീയെന്‍ കിനാവോ )