വരണൊണ്ട് വരണൊണ്ട്

വരണൊണ്ട് വരണൊണ്ട് മണവാളന്‍ - നല്ല
വാകപ്പൂങ്കുലയ്ക്കൊത്ത മണവാട്ടി (2)
വെയിലത്ത് വാടല്ലേ മണവാട്ടീ - നീല
മയിലിന്റെ പീലിയാല്‍ മഞ്ചല്‍ തരാം (2)
വരണൊണ്ട് വരണൊണ്ട് മണവാളന്‍ - നല്ല
വാകപ്പൂങ്കുലയ്ക്കൊത്ത മണവാട്ടി

മഞ്ചലെടുക്കാന്‍ ആര് വരും - പച്ച
മഞ്ചാടിക്കാട്ടിലെ കാറ്റ് വരും
വഴിക്കൊന്ന് പാടാന്‍ ആര് വരും - ഒരു
വണ്ണാത്തിക്കിളിപ്പെണ്ണ് പറന്നു വരും (2)
വരണൊണ്ട് വരണൊണ്ട് മണവാളന്‍ - നല്ല
വാകപ്പൂങ്കുലയ്ക്കൊത്ത മണവാട്ടി

പാടുമ്പോള്‍ മണവാളന്‍ എന്ത് ചെയ്യും - അവന്‍
പല പല കിനാവുകള്‍ കണ്ടിരിക്കും
അത് കാണുമ്പോള്‍ മണവാട്ടിക്കെന്തു തോന്നും - മണി 
ചുണ്ടത്തൊരു പഴംപാട്ട് തോന്നും (2)

വരണൊണ്ട് വരണൊണ്ട് മണവാളന്‍ - നല്ല
വാകപ്പൂങ്കുലയ്ക്കൊത്ത മണവാട്ടി 
വെയിലത്ത് വാടല്ലേ മണവാട്ടീ - നീല
മയിലിന്റെ പീലിയാല്‍ മഞ്ചല്‍ തരാം 
വരണൊണ്ട് വരണൊണ്ട് മണവാളന്‍ - നല്ല
വാകപ്പൂങ്കുലയ്ക്കൊത്ത മണവാട്ടി