കസ്തൂരിമാൻമിഴി മലർശരമെയ്തു
കൽഹാരപുഷ്പങ്ങൾ പൂമഴപെയ്തു
സ്വപ്നങ്ങളുണരും ഉന്മാദലഹരിയിൽ
സ്വർഗ്ഗിയസ്വരമാധുരി ആ ഗന്ധർവസ്വരമാധുരി
(കസ്തൂരി )
പൂമേനിയാകെ പൊൻകിരണം
പൂവായ് വിരിയുമെന്നാത്മഹർഷം
നീയെന്നിലോ ഞാൻ നിന്നിലൊ
ഒന്നായ് ചേരുന്നതീ നിമിഷം
( കസ്തൂരി...)
സായാഹ്നമേഘം നിൻ കവിളിൽ
താരാഗണങ്ങൾ നിൻ പൂമിഴിയിൽ
പൂന്തിങ്കളോ തേൻകുമ്പിളോ
പൊന്നോമൽ ചുണ്ടിലെ മന്ദസ്മിതം
(കസ്തൂരി..)
