പൂവനമേ പുതുവനമേ

പൂവനമേ പുതുവനമേ - എൻ 
കരളിൻ പൂവനമേ
പൂനിലാവിൻ ഗാനം കേൾക്കാൻ
വിരിയൂ പൂവനമേ

കളകളം പാടി കതിരൊളി ചൂടി 
തിരയുകയാണവൾ നിന്നെ തേടി
പൂ വലിച്ചെറിഞ്ഞെന്നെ 
പാട്ടുപാടി വിളിച്ചെന്നെ
സ്വപ്നമണിത്തേരിലേറി 
സ്വർഗ്ഗവാതിൽ കാട്ടി നീ
കരൾ നൊന്തുനൊന്തു - ഞാൻ 
കാത്തിരുന്നെത്രനാൾ
പാടും പൂവനമേ..

കനിവിന്റെ ഒരു തുള്ളി - 
ക്കണ്ണീരു കാണുവാൻ
നറുമണം തൂകിടുമീ 
തൂമലർ ചൂടുവാൻ
പുതുചന്ദ്രൻ തെളിയുമ്പോൾ
നീ എന്തിനു താരകമേ - ഒരു 
വേദനയായ് ഞാൻ
വാനിൻ കോണിൽ 
കേണുകഴിഞ്ഞീടുമേ