ഏതോ യുഗത്തിന്റെ സായം സന്ധ്യ

ഏതോ യുഗത്തിന്റെ  സായം സന്ധ്യയിൽ
ചേതോഹരി നാം പിരിഞ്ഞൂ
വേദനയോടെ  വേപഥുവോടെ
വേർപിരിഞ്ഞകന്നവർ നമ്മൾ (ഏതോ..)
 
തളിർ ചൂടും ശാഖിയിൽ കുയിലുകൾ പാടീ
തളരും സന്ധ്യകൾ തോറും (2)
പരിചിതമേതോ പദനിസ്വനമെൻ
പടികൾ കടന്നു വരുന്നൂ
ഓർമ്മകളുടെയിടനാഴിയിലാരോ
ദീപം കാട്ടി വരുന്നൂ
സന്ധ്യാ ദീപം കാട്ടി വരുന്നൂ (ഏതോ..)
 
 
കതിർ ചൂടും പാടത്തെ കിളികളേയാട്ടാൻ
കമനീയെങ്ങു നിന്നെത്തീ(2)
മധുമൊഴി നിന്നിൽ കുറുകും  പ്രാവുകൾ
ശ്രുതികളിലമൃതു പകർന്നൂ
ഓർമ്മകളുടെ മലരങ്കണമാകെ
ഓണപ്പൂക്കളമായ് വീണ്ടും
ഓണപ്പൂക്കളമായ്(ഏതോ..)