മലരിന്റെ ചാരുതയും

മലരിന്റെ ചാരുതയും മാനിന്റെ മാനസവും
മഞ്ഞിന്റെ നിർമ്മലമാം കുളിരും
കടം വാങ്ങി നീ മനോഹരീ
(മലരിന്റെ...)

പുലരിമലയിൽ പുത്തൻ സുദിനം
അഗ്നിച്ചിറകിൽ പറന്നുയരുമ്പൊൾ (2)
പുഴയിൽ മുങ്ങി തെളിനീരാടി അഴകു റാണി നീയൊഴുകും
മിഴിയിൽ വേറൊരു പുഴയായി എൻ
മിഴിയിൽ വേറൊരു പുഴയായി
(മലരിന്റെ..)

ആഴക്കടലിൽ അസ്തമയങ്ങൽ
സ്വർണ്ണത്തിരയായ് സ്വയമലിയുമ്പോൾ
തുളസിത്തറയിൽ സന്ധ്യാദീപം കൊളുത്തുവാനായ് നീയണയും
മുകളിലമ്പിളി വിരിയും പോൽ
പൊൻ മുകിലിൻ പന്തലിൽ നിറയും പോൽ
(മലരിന്റെ....)