ഓടക്കുഴലേ... ഓടക്കുഴലേ...
ഓമനത്താമര കണ്ണന്‍റെ ചുംബന
പൂമധു നുകര്‍ന്നവളേ
രാഗിണി നീ അനുരാഗിണി മറ്റൊരു
രാധയോ രുഗ്മിണിയോ
(ഓടക്കുഴലേ... )
എത്ര മധുമയ ചുംബന പുഷ്പങ്ങള്‍
ചാര്‍ത്തിച്ചു നിന്നെ കണ്ണന്‍ (2)
ആനന്ദ ഭൈരവി രാഗ നിലാവായ് നിന്‍
ആത്മാവലിഞ്ഞൊഴുകി
ആത്മാവലിഞ്ഞൊഴുകി
(ഓടക്കുഴലേ... )
കണ്ണന്‍റെ കയ്യിലെ പുല്ലാങ്കുഴലെ നീ
പുണ്യവതിയല്ലോ (2)
മോഹനരാഗ സുധാരസത്തിനായ് നീ
ദാഹിച്ചു നില്‍ക്കയല്ലോ
നീ ദാഹിച്ചു നില്‍ക്കയല്ലോ
(ഓടക്കുഴലേ... )
പൊന്നംഗുലികളായ്‌ നിന്‍ കണ്ണ് പൊത്തുമ്പോള്‍
നിന്നെ തഴുകിടുമ്പോള്‍ (2)
നീലാംബരി രാഗ നീഹാര ശ്രീകര
മാലകള്‍ നീ അണിവൂ
മാലകള്‍ നീ അണിവൂ
(ഓടക്കുഴലേ... )
