അരിമുല്ല പൂത്തു

 

അരിമുല്ല പൂത്തു അരളികൾ പൂത്തു
ഇനിയുമെൻ ആശകൾ പൂത്തില്ലാ
സൗഗന്ധികപ്പൂ വിരിഞ്ഞു തീർന്നപ്പോളും
സൗഭാഗ്യമെന്നിൽ വിരിഞ്ഞില്ല
(അരിമുല്ല...)

ആകാശനീലിമക്കപ്പുറത്ത്
ഒരായിരം നക്ഷത്രപ്പൂ വിരിഞ്ഞു (2)
ആ ദിവ്യ സൗവർണ്ണ സന്ധ്യകളിൽ
എന്നായിരം മോഹങ്ങൾ പോയ് മറഞ്ഞു
(അരിമുല്ല....)

തിരകൾ പുൽകി ഉണർത്തിയ തീരം
പുളകിതയായ് പൂക്കാവനിയായി
ആ നവ്യ സങ്കല്പ തീരങ്ങളിൽ
എന്നായിരം മോഹങ്ങൾ വീണുടഞ്ഞു
(അരിമുല്ല....)