ഒരു ദന്തഗോപുരത്തിൻ
നിറുകയിൽ നീലരാവിൽ
കതിർ വല നെയ്തിരിക്കും
കന്യകയാളേ വിണ്ണിൻ കന്യകയാളേ
ഒരു തുള്ളി കണ്ണുനീരും
മിഴിയിതൾക്കുമ്പിളുമായ്
ഒരു വെറും പുൽക്കൊടി ഞാനിവിടെ നില്പൂ
ഒരു മയില്‍പ്പീലി തന്നൂ ഒരു മലർച്ചെണ്ടു തന്നൂ
ഒരു നറും പുഞ്ചിരിയും
എറിഞ്ഞു തന്നൂ നീയന്നറിഞ്ഞു തന്നൂ
കരളിലെത്താമര തൻ
നിറനൂലു കോർത്ത് കോർത്ത്
ചിറകുകൾ നെയ്തെടുത്തിന്നണിഞ്ഞുവല്ലോ
ഞാനിന്നൊരുങ്ങിയല്ലോ
പുളകങ്ങൾ പൂത്തു നിൽക്കും
പുതുമണ്ണിലൂറി നിൽക്കും
ഒരു തുള്ളിത്തേനുമായ്
വരുന്നുവല്ലോ പുത്തൻ വിരുന്നിനായ്
