സ്വാതന്ത്ര്യം താൻ അമൃതം
അമൃതം അമൃതം
മർത്ത്യനു സ്വാതന്ത്ര്യം താൻ അമൃതം
അമൃതം അമൃതം
ആ സ്വാതന്ത്ര്യത്തിൻ സംഗീതത്താൽ
ഞങ്ങളെയമൃതൂട്ടി
അസ്വാതന്ത്ര്യ്യത്തിൻ ഇരുളിൽ നിന്നും
സവിതാവിനെ വാഴ്ത്തീ
കവ്വേ നമോവാകം കുമാര
കവേ നമോവാകം
മർത്ത്യതയിന്നും കുമ്പിൾ നീട്ടി കഞ്ഞിയിരക്കുമ്പോൾ
മാറ്റുക മാറ്റുക ചട്ടങ്ങളെയെന്നിടി മുഴക്കം പോൽ
നിന്റെ മധുര ഗംഭീരനിനാദം ഞങ്ങൾ കേൾക്കുന്നു
വർണ്ണവിവേചനമിരുണ്ട ഭൂമിയിൽ
ഇന്നും വാഴുമ്പോൾ
ഇന്ത്യയുണന്നതിനെതിരേ സിംഹ
നാദമുയർത്തുമ്പോൾ
നിന്റെ ഹൃദയസ്പന്ദനമല്ലോ
ഞങ്ങൾ കേൾക്കുന്നു
