ചിങ്ങനിലാവ് മെഴുകി മിനുക്കിയൊരെൻ കളിമുറ്റത്ത്
എൻ മലർമുറ്റത്ത്
അത്തം പിറന്നൊരു കാലത്ത്
ഇത്തിരിപ്പൂവ് വിരുന്നു വന്നു
എവിടെപ്പോയിത്തിരിപ്പൂങ്കുരുന്നേ
അവിടെങ്ങാനോണപ്പുകിൽ കണ്ടോ
പൊലിയും പൊലിപ്പാട്ടും
കിളിയും കിളിപ്പാട്ടും
കളവും കളങ്ങളിൽ പൂവുമുണ്ടോ
കുടമുല്ലക്കുമ്പിളിൽ പാലുണ്ടോ
കുട നിവർത്താടും കൈതയുണ്ടോ
ഒന്നിച്ചൊരൂഞ്ഞാലിൽ
ചെറുവാല്യക്കാർ പാടും
അരുമയാം ഓണപ്പാട്ടുമുണ്ടോ
