ഭൂമിയിൽ മുത്തുകൾ പെയ്യും മുകിൽ പാടീ
ഓമനേ നീയിതെടുത്തു കൊൾക
ഏറെത്തപിക്കും നിൻ മാറിടത്തിൽ കുളിർ
കോരിപ്പകർന്നു ഞാൻ പെയ്തു തീരാം
പൂമൊട്ടിൽ മഞ്ഞുനീർ തൂകും നിശ പാടീ
ഓമനേ നീയിതണിഞ്ഞു കൊൾക
നിന്റെ നിശ്വാസത്തിൻ സൗരഭത്താൽ കുളിർ
മഞ്ഞുതിരും പനീർത്തുള്ളിയാക്കൂ
ആഴി തൻ പൂമുഖം പുൽകും നദി പാടീ
ആടിത്തളരാത്ത നിന്റെ മാറിൽ
കാണാസ്വയംവരമാലയായ് ഞാൻ സ്വയം
കാണിക്കയായ് വീണലിഞ്ഞു പോകാം
