കരളേ കനവേ

കരളേ കനവേ കണ്മണീ
നിനവേ കനിവേ പെണ്മണീ (2)
കാണുവാനെന്തിനു മുന്നിൽ വേണം
എന്നും നീയെന്റെ കണ്ണിന്റെ ശോഭയല്ലേ
കേൾക്കുവാൻ നീയെന്തിനെന്നരികിൽ വേണം
നീയെന്റെ പ്രാണന്റെ പ്രാണനായ് ഉള്ളിലില്ലേ
(കരളേ കനവേ...)

എന്നും നിനക്കൊരു കുറിമാനമേകുവാൻ
എന്നോട് ചൊല്ലുന്ന കൂട്ടുകാരീ (2)
എന്തു സന്ദേശം നിനക്കേകീടുവാൻ
നീയെന്റെ സന്ദേശകാവ്യമല്ലേ (2)
അഴകേ അനുപമേ ആത്മസഖീ
(കരളേ....)

പ്രിയതരസ്വപ്നങ്ങൾ കാണാൻ കൊതിച്ചിന്ന്
തനിയേ ഇരുളിൽ ഞാൻ കാത്തിരിക്കും (2)
വരികില്ലേ നീ തരികില്ലേ ഇനി
ഒരു നിമിഷം എനിക്കൊരു നിമിഷം (2)
ഓമലേ ആരോമലേ എന്നോമലേ
(കരളേ കനവേ...)