കല്പനാനദിയുടേ

 

കല്പനാനദിയുടെ തീരത്തു ഞാൻ
നവരത്ന മന്ദിരം തീർത്തു
മത്സഖീ നിനക്കായ് നിനക്കായ് മാത്രം
വെണ്ണിലാപൊയ്ക ഞാൻ തീർത്തു
(കല്പനാ....)

വാസന്തസന്ധ്യാകുങ്കുമം ചാലിച്ചു
പൂമുഖമലങ്കരിച്ചു
രാജനീമല്ലിക പൂവിതൾ കൊണ്ടൊരു
സ്വപ്നശയ്യാ തലമൊരുക്കി
എന്നു വരും നീ എന്നു വരും
എന്നു വരും നീ എന്നുവരും
(കല്പനാ...)

പുഞ്ചിരിത്താരകൾ വിരുന്നു വരാനെൻ
നാലകം തുറന്നു വെച്ചു
പതിനേഴിനേഴഴകായ് നീ എന്നിലേക്ക്
ആരോരുമറിയാതെ എന്നു വരും
എന്നു വരും ഇനി എന്നു വരും
എന്നു വരും ഇനി എന്നുവരും
(കല്പനാ...)