നിളാനദിയുടെ

 

ആ..ആ..ആ.ആ
നിളാനദിയുടെ നിർമ്മലതീരം
നിരുപമഭാവാർദ്രമാം തീരം
കവിയുടെ ആത്മാവും കല്ലോലങ്ങളും
ചിലങ്കകളണിയുന്ന നേരം
കഥകളിചമയങ്ങൾ അണിയുന്ന തീരം
(നിളാനദിയുടെ...)

ഏഴരവെളുപ്പിന്റെ ഏകാന്തയാമത്തെ
കേളികൊട്ടുണർത്തുന്ന നേരം
ഹൃദയം മറ്റൊരു കഥകളിയരങ്ങിന്റെ
കളിവിളക്കാകും മുഹൂർത്തം
പ്രകൃതിയും പുളിക്കും പുണ്യമുഹൂർത്തം
പീലികൾ വിടർത്തുന്ന ഭാവചൈതന്യത്തെ
താളം തൊട്ടുണർത്തുന്ന തീരം
മനസ്സിൽ സർഗ്ഗസരോജങ്ങൾ വിടർത്തുന്ന
സരസ്വതീപൂജാ മുഹൂർത്തം
കവിയുടെ ഏകാഗ്രധന്യമുഹൂർത്തം
(നിളാനദിയുടെ...)