ഉടവാളേ പടവാളേ നീ ഉണരുക

ഉടവാളേ പടവാളേ- നീ
ഉണരുകവേണം വാളേ
ഉടവാളേ പടവാളേ- നീ
ഉണരുകവേണം വാളേ

അപമാനങ്ങള്‍ തുടച്ചു മാറ്റാന്‍
അവനോടു പകരം വീട്ടാന്‍
വഞ്ചകനവനുടെ നെഞ്ചില്‍ നിന്നും
ചെഞ്ചോരപ്പുഴ ചീറ്റാന്‍

ചോരതുളുമ്പും കൈകളുമായി
പോരിനു വരുന്നു ഞങ്ങള്‍ (2)
ഉടവാളേ പടവാളേ- നീ
ഉണരുകവേണം വാളേ

ഇല്ലാ തെല്ലുമൊരു പേടിയുള്ളിലായ്
മല്ലില്‍ വീണു മരിക്കാന്‍ 
ആണുങ്ങള്‍ക്കു പിറന്നവര്‍ ഞങ്ങള്‍
അങ്കച്ചേവകര്‍ ഞങ്ങള്‍

പ്രാണത്തേക്കാള്‍ മാനം വലുതായ്
കാണും കേരളമക്കള്‍ - 
കാണും കേരള മക്കള്‍ 
ഉടവാളേ പടവാളേ നീ
ഉണരുകവേണം വാളേ
ഉടവാളേ....