മാനസ സാരസ മലർമഞ്ജരിയിൽ (M)

മാനസസാരസമലർമഞ്ജരിയിൽ
മധു നുകരാനൊരു ശലഭമെത്തും 
വിളഞ്ഞ മുന്തിരിമധുവാടികയിൽ
വിരുന്നുണ്ണാനൊരു കുരുവിയെത്തും - ഒരു
കുരുവിയെത്തും 
മാനസസാരസമലർമഞ്ജരിയിൽ

കാനനവീഥിയിൽ കാർത്തിക വിളക്കുമായ്
കൈതകൾ നിരക്കുന്ന കാലമല്ലോ 
മനമിതിൽ സങ്കല്പസുരഭിലകർപ്പൂര
മണിദീപം കൊളുത്തീടൂ
ഹൃദയമേ - ഹൃദയമേ 
മാനസസാരസമലർമഞ്ജരിയിൽ

മുരളിയിൽ പാടാതെ മൂളിമൂളിപ്പാടാതെ
ചിറകുകളനങ്ങാതെ പാറി വരും 
തരിവള കിലുങ്ങാതെ - മണിയറ തുറന്നാട്ടെ
മലർമെത്ത വിരിച്ചാട്ടേ
ഹൃദയമേ - ഹൃദയമേ 

മാനസസാരസമലർമഞ്ജരിയിൽ
മധു നുകരാനൊരു ശലഭമെത്തും 
വിളഞ്ഞ മുന്തിരിമധുവാടികയിൽ
വിരുന്നുണ്ണാനൊരു കുരുവിയെത്തും - ഒരു
കുരുവിയെത്തും 
മാനസസാരസമലർമഞ്ജരിയിൽ