ദേവത ഞാൻ ജലദേവത ഞാൻ

ദേവത ഞാൻ ജലദേവത ഞാൻ 
സങ്കൽപ്പ സാഗര ദേവത ഞാൻ 
ഗായകൻ ഞാൻ വനഗായകൻ ഞാൻ 
മായിക രാഗത്തിൻ മലർവനത്തിൽ 

മുഴുകുന്നു ഞാൻ മുഴുകുന്നു 
മുരളീ മൃദുരവ മാധുരിയിൽ 
പ്രാണസഖീ എൻ ഹൃദയസഖീ 
ഗാനത്തിൻ പല്ലവി ഇതു മാത്രം 
ദേവത വരൂ - ദേവത വരൂ 
തരൂ തരൂ - പ്രണയചഷകം 
(ദേവത... ) 

ചന്ദനശീതള മണിയറയിൽ 
ചന്ദ്രിക വന്നു നവവധുവായ്‌
മുന്തിരിയേന്തിയ താലവുമായ്‌ 
വെണ്മുകിൽ വന്നു പ്രിയസഖിയായ്‌
മണ്ഡപമതാ - ആലകളതാ 
വരൂ വരൂ - വിരുന്നു കൂടുവാൻ 

ഗായകൻ ഞാൻ വനഗായകൻ ഞാൻ 
മായിക രാഗത്തിൻ മലർവനത്തിൽ 
ദേവത ഞാൻ ജലദേവത ഞാൻ 
സങ്കൽപ്പ സാഗര ദേവത ഞാൻ