കല്പനാരാമത്തിൽ കണിക്കൊന്ന

കല്പനാരാമത്തില്‍ കണിക്കൊന്ന പൂത്തപ്പോള്‍
സ്വപ്നമനോഹരി നീ വന്നു - എന്റെ
സ്വപ്നമനോഹരി നീ വന്നൂ
(കല്പനാരാമത്തില്‍..)

മാനത്തെ നന്ദനവനത്തില്‍ നിന്നോ
മാനസയമുനാതീരത്തുനിന്നോ
താരകയായ് - വനരാധികയായ്
പ്രേമചാരുമരാളികയായ് നീ വന്നൂ
താരകയായ് - വനരാധികയായ്
പ്രേമചാരുമരാളികയായ് നീവന്നൂ
(കല്പനാരാമത്തില്‍..)

മുല്ലപ്പൂവല്ലികള്‍ അലങ്കരിച്ച
പല്ലക്കിലേറിവരും വസന്തം പോലെ
ദേവതയായ് - മദാലസയായ്
രാഗഭാവനാതരംഗമായി നീ വന്നൂ
ദേവതയായ് - മദാലസയായ്
രാഗഭാവനാതരംഗമായി നീവന്നൂ
(കല്പനാരാമത്തില്‍..)