ഈച്ചയും പൂച്ചയും കഞ്ഞിവെച്ചു

ഈച്ചയും പൂച്ചയും കഞ്ഞിവെച്ചു
ഇരുന്നാവൂരിക്കഞ്ഞിവെച്ചു
പൂച്ച കഞ്ഞി കട്ടുകുടിച്ചു
ഈച്ച വന്നപ്പോള്‍ കലമുടച്ചു
ഈച്ചയും പൂച്ചയും കഞ്ഞിവെച്ചു
ഇരുന്നാവൂരിക്കഞ്ഞിവെച്ചു

പൂച്ചരാവില്‍ തെണ്ടാനിറങ്ങി
ഈര്‍ച്ചക്കാരുടെയാല കണ്ടു
തട്ടും കെട്ടി തടിയും നിരത്തി
മുട്ടുകൊടുത്തോരാലകണ്ടു
ഈച്ചയും പൂച്ചയും കഞ്ഞിവെച്ചു
ഇരുന്നാവൂരിക്കഞ്ഞിവെച്ചു

ആഞ്ഞിലിത്തടി പാതിപിളര്‍ന്നതി- ലാപ്പുവെച്ചതോ കണ്ടുരസിച്ചു
പൂച്ച തടിയില്‍ കയറിയിരുന്നു
എന്നിട്ട്?
എന്നിട്ട്- ആപ്പു വലിച്ചൊരു തട്ടു കൊടുത്തു
ആപ്പു വലിച്ചൊരു തട്ടു കൊടുത്തു
ഈച്ചയും പൂച്ചയും കഞ്ഞിവെച്ചു
ഇരുന്നാവൂരിക്കഞ്ഞിവെച്ചു

ആപ്പു പോയപ്പൊ മരപ്പൊളി രണ്ടും
വാലും കാലും അകത്തിട്ടു പൂട്ടി
പൂച്ച വേദന തിന്നു മരിച്ചു
അപ്പൊ?
അപ്പൊ- ഈച്ചയും കൂട്ടരും പൂച്ചയെ തിന്നു
ഈച്ചയും പൂച്ചയും കഞ്ഞിവെച്ചു
ഇരുന്നാവൂരിക്കഞ്ഞിവെച്ചു