ആയിരം ഫണമെഴും

ആയിരം ഫണമെഴും ആദിശേഷരേ

ആനന്ദമൂർത്തേ വന്നാലും (2)

പ്രേമസ്വരൂപൻ ആ..ആ...ആ

പ്രേമസ്വരൂപൻ കമലാകാന്തനു

പൂമെത്ത തീർക്കുന്ന ദേവാ  (ആയിരം...)

പാൽക്കടൽ കടയുമ്പോൾ കടകോൽ ചുറ്റുവാൻ

പാശം തീർത്തൊരു വാസുകിയെ (2)

അക്ഷയധർമ്മം പുലരുവാൻ ഉഗ്രനാം (2)

ശിക്ഷകനായ്‌ വരും തക്ഷകനേ (ആയിരം...)

ചാരുവാം രാഗതരംഗങ്ങളുയരുമീ

ക്ഷീരസാഗരത്തിൽ നീന്തി നീന്തി വന്നു (2)

ആനന്ദ നർത്തനത്തിൽ ആ...ആ.ആ.

താളത്തിലാടിയാടി

അടിയന്റെ വിശ്വാസമലർ ചൂടി (ആയിരം..)