കളിത്തോഴിമാരെന്നെ കളിയാക്കി

മലർവള്ളിക്കാട്ടിലെ മാൻകിടാവേ നിനക്ക്‌ 
മണവാളനെത്താൻ തിടുക്കമായോ
പനിനീരു പെയ്യുന്ന പന്തലൊന്നിൽ നിനക്ക്‌ 
വലതുകാൽ കുത്താൻ തിടുക്കമായോ

കളിത്തോഴിമാരെന്നെ കളിയാക്കി - എന്റെ 
കളിത്തോഴിമാരെന്നെ കളിയാക്കി 
ഇടതു കണ്ണിടയ്ക്കിടെ ഇന്നലെ തുടിച്ചപ്പോൾ 
കളിയാക്കി എന്നെ കളിയാക്കി - എന്റെ 
കളിത്തോഴിമാരെന്നെ കളിയാക്കി 

മാനസസരസ്സിങ്കൽ പ്രേമത്തിൻ കളഹംസം 
താമസമാക്കിയെന്നും പറഞ്ഞുണ്ടാക്കി - അവർ 
പറഞ്ഞുണ്ടാക്കി (2) 
കളിയാക്കി എന്നെ കളിയാക്കി - എന്റെ 
കളിത്തോഴിമാരെന്നെ കളിയാക്കി 

അയലത്തെ കല്യാണത്തിന്നവിടുന്നു മുമ്പിൽ നിൽക്കെ 
അവരെന്നെ ചൂണ്ടിക്കാട്ടി കളിയാക്കി (2)
കളഭത്തിൻ കിണ്ണം എന്റെ കൈ തട്ടി മറിഞ്ഞപ്പോൾ 
കിലുകിലെ അവർ മണിച്ചിരി മുഴക്കി - അവർ
ചിരി മുഴക്കി 

കളിയാക്കി എന്നെ കളിയാക്കി - എന്റെ 
കളിത്തോഴിമാരെന്നെ കളിയാക്കി 
ഇടതു കണ്ണിടയ്ക്കിടെ ഇന്നലെ തുടിച്ചപ്പോൾ 
കളിയാക്കി എന്നെ കളിയാക്കി - എന്റെ 
കളിത്തോഴിമാരെന്നെ കളിയാക്കി 

മൂവന്തി നേരത്തു ഞാൻ കാവിൽ പോയ്‌ തൊഴുംനേരം 
ആ വഴിക്കെങ്ങാനും അങ്ങു വന്നാൽ (2)
ശിവനെ തപസ്സു ചെയ്യും പാർവ്വതി എന്നു മെല്ലെ 
ചെവിയിൽ വന്നൊരു തോഴി കളിപറയും 

കളിയാക്കി എന്നെ കളിയാക്കി - എന്റെ 
കളിത്തോഴിമാരെന്നെ കളിയാക്കി 
ഇടതു കണ്ണിടയ്ക്കിടെ ഇന്നലെ തുടിച്ചപ്പോൾ 
കളിയാക്കി എന്നെ കളിയാക്കി - എന്റെ 
കളിത്തോഴിമാരെന്നെ കളിയാക്കി