കറുത്തവാവാം സുന്ദരിതന്റെ

കറുത്തവാവാം സുന്ദരിതന്റെ
കമ്മലിലൊന്‍പത് കല്ലുണ്ട് - പൊന്‍
കമ്മലിലൊന്‍പത് കല്ലുണ്ട്

നീലാകാശക്കടവിങ്കല്‍ അവള്‍
നീന്താനോടിചെന്നപ്പോള്‍
കമ്മലിലുള്ളൊരു മാണിക്യം
കാണാതൂഴിയില്‍ വീണല്ലോ
വീണല്ലോ...
(കറുത്തവാവാം...)

മിന്നാമിന്നിയൊളിപ്പിച്ചു അതു
നിന്നുടെ കണ്ണിലൊളിപ്പിച്ചു
കണ്ടുപിടിച്ചവനാരാണ്
കണ്ടുപിടിച്ചവനാരാണ്
കരളിലിരുന്നൊരു മണവാളന്‍
കരളിലിരുന്നൊരു മണവാളന്‍
(കറുത്തവാവാം...)

കന്നിച്ചന്ദ്രന്‍ കണ്ടാലും ഇത്
കണ്ടില്ലെന്നു നടിച്ചോട്ടേ
കാനനമലരുകള്‍ കണ്ടാലും ആ 
കണ്ണുകള്‍ മെല്ലെയടച്ചോട്ടേ
കണ്ണുകള്‍ മെല്ലെയടച്ചോട്ടേ
(കറുത്തവാവാം...)
ആ.....