അയലത്തെ സുന്ദരി

അയലത്തെ സുന്ദരി അറിയാതെ വലയ്ക്കല്ലേ
അപരാധമൊന്നും ഞാൻ ചെയ്തില്ലല്ലോ
അയലത്തെ സുന്ദരി അറിയാതെ വലയ്ക്കല്ലേ
അപരാധമൊന്നും ഞാൻ ചെയ്തില്ലല്ലോ

കാലത്തെതന്നെ ഞാൻ വേലയ്ക്കു പോയപ്പോൾ
വേലിക്കരികിലൊരു വളകിലുക്കം 
വെറ്റിലനുള്ളുവാൻ വേലിക്കൽ പോയപ്പോൾ
കുപ്പിവളകളൽപ്പം കിലുങ്ങിപ്പോയി - പക്ഷേ
മറ്റുള്ളോർക്കതു കേട്ടു മയക്കമെന്തേ

താമരക്കുളങ്ങരെ തണ്ണീരിനു പോയപ്പോൾ
പൂമരച്ചോട്ടിലൊരു തിരിഞ്ഞുനോട്ടം - കണ്ടു
മോഹിച്ചു കിതച്ചു ഞാനോടി വന്നു
കരിവേപ്പിൻ കൊമ്പത്തെ കരിങ്കുയിൽ ചെറുക്കന്റെ
സരിഗമപ്പാട്ടുകേട്ടു തിരിഞ്ഞുനിന്നു - അപ്പോൾ
ചിരിയും കൊണ്ടെന്തിനിങ്ങോട്ടോടിവന്നു

അയലത്തെ സുന്ദരി അറിയാതെ വലയ്ക്കല്ലേ
അപരാധമൊന്നും ഞാൻ ചെയ്തില്ലല്ലോ