അനുരാഗം അനുരാഗം

ആ... 

അനുരാഗം അനുരാഗം - അത്
മനസ്സിൽ മൃതസഞ്ജീവനി തൂകും
മധുരമധുരവികാരം
അനുരാഗം അനുരാഗം

മന്മഥന്റെ വില്ലിലിരിക്കും മല്ലീശരമല്ല  - അത്
പെൺകൊടിമാരുടെ ലജ്ജയിൽ മുങ്ങിയ
വെണ്മണി ശ്ലോകമല്ലാ 
അനുരാഗം അനുരാഗം

മാറിമാറി മാനമുടുക്കും മകരനിലാവല്ല - അത്
മേനകമാരുടെ ചിരി കണ്ടുണരും
മൗനതപസ്സല്ല 
അനുരാഗം അനുരാഗം

വർഷമേഘം ഒരിക്കൽ ചൂടും വാർമഴവില്ലല്ലാ - അത്
പനിനീർ മാത്രം പകർന്നു വെച്ചൊരു
മണി മഞ്ജുഷയല്ല

അനുരാഗം അനുരാഗം - അതു
മനസ്സിൽ മൃതസഞ്ജീവനി തൂകും
മധുരമധുരവികാരം
അനുരാഗം അനുരാഗം