മുരളീഗാനത്തിൻ കല്ലോലിനീ

മുരളീഗാനത്തിൻ കല്ലോലിനീ..
മധുര സ്വരരാഗ മാന്ദാകിനീ..
പ്രണയാമൃതം പകരും പ്രവാഹിനീ..
പ്രിയരാധയ്ക്കതു മൃതസഞ്ജീവനി..

യമുനതൻ അലകൾ വീണകളായി..
പവനതരംഗങ്ങൾ വിരലുകളായി..
ലവംഗലതാവലി മൃദംഗങ്ങളായി..
അവൻ പാടും ഗാനത്തിൻ മേളങ്ങളായി..
ഉണർന്നില്ലേ.... രാധികേ.. നിൻ ഹൃദയം
ഉണർന്നില്ലേ... പിണക്കം മറന്നില്ലേ....

(മുരളീഗാനത്തിൻ)

ചന്ദനമണിയും മലർനെഞ്ചമിളകി..
ചപലവികാരങ്ങൾ ഉൾത്താരിലിളകി..
ഗോപികമാർ കാമപാദങ്ങൾ തേടി..
ആ വനമാലി തൻ കീർത്തനം പാടി..
അണിഞ്ഞില്ലേ... രാധികേ..നിൻ ചിലങ്ക
അണിഞ്ഞില്ലേ.. പിണക്കം മറന്നില്ലേ...

(മുരളീഗാനത്തിൻ)

.