കൊച്ചിളം കാറ്റേ

കൊച്ചിളംകാറ്റേ കളമൊഴിക്കാറ്റേ
കൊച്ചുപെങ്ങളെ കണ്ടോ 
പിച്ചകപ്പൂവുകള്‍ നുള്ളി നടക്കുമ്പോള്‍ 
കൊച്ചുകാല്‍പ്പാടുകള്‍ കണ്ടോ - മണ്ണില്‍ 
കൊച്ചുകാല്‍പ്പാടുകള്‍ കണ്ടോ
(കൊച്ചിളം..)

ചിത്രശലഭം പോലിരിക്കും - അവള്‍ 
ചിലങ്ക കിലുങ്ങുംപോല്‍ ചിരിക്കും (2)
അഴകിന്റെ വസന്തം എന്നോമന 
അണ്ണന്റെ സുകൃതമാം കുഞ്ഞോമന
(കൊച്ചിളം..)

പൊന്‍മണി മാലകളില്ലാ - മെയ്യില്‍ 
പുത്തനുടുപ്പുകളില്ല (2)
അമ്മയില്ലാത്തൊരു മാന്‍കുട്ടി പോലെ 
അലയുകയാണവളെങ്ങോ
(കൊച്ചിളം..)