സത്യമിന്നും കുരിശിൽ

സത്യമിന്നും കുരിശിൽ

ധർമ്മമിന്നും തടവിൽ

നിത്യമധുരസ്നേഹമിന്നും

പഴയ കടങ്കഥയിൽ (സത്യമിന്നും...)

പടർന്നു കത്തും വേദനയിൽ

തിളച്ചു പൊങ്ങും മനസ്സുകൾ

ഈയെരിതീയണയ്ക്കുവാൻ

കണ്ണുനീരിനാകുമോ

മണ്ണിൽ വീണ പൂവിനെ

ഞെട്ടിൽ വീണ്ടും തിരുകുവാൻ

തെന്നലിനാകുമോ ഓ...

തെന്നലിനാകുമോ (സത്യമിന്നും...)

അകന്നു പോകും പാതയിൽ

പതറിയോടും നിഴലുകൾ

ഈ വിരഹം തീർക്കുവാൻ

കായൽ തിരകൾക്കാകുമോ

തുഴയൊടിഞ്ഞ തോണിയെ

കരയിൽ വീണ്ടുമേറ്റുവാൻ

ഓളങ്ങൾക്കാകുമോ ഓ...

ഓളങ്ങൾക്കാകുമോ (സത്യമിന്നും...)