മാലക്കാവടി പീലിക്കാവടി

മാലക്കാവടി പീലിക്കാവടി നിരന്നാടുന്നല്ലോ
നിൻ കണ്ണിൽ;
നിൻ മയിൽപ്പീലിക്കണ്ണിൽ
നിറ തുളുമ്പീ
കനവുകൾ തൻ
കനക മൊന്തകളിൽ (മാലക്കാവടി..)

മോഹനരാഗം നാദസ്വരം പാടി
മോഹം പോലെ പൂന്തെന്നൽ വന്നാടി
ഇലകളിലും തകിലു മേളം
ഉലയും മേനിയിലും നിൻ
നടന മേനിയിലും
നിറതുളുമ്പീ കനവുകൾ തൻ
കനക മൊന്തകളിൽ (മാലക്കാവടി..)

പൂ മനസ്സിൻ പൊൻ വാതിൽ ഞാൻ തേറ്റി
ഒരു ഗാനമായ് ഞാനവിടെ കൂടി
കൊതി വിടർന്നു
രതിയുണർന്നൂ
മധുരച്ചുണ്ടിണയിൽ നിൻ
മദന മഞ്ജുഷയിൽ
നിറതുളുമ്പീ കനവുകൾ തൻ
കനക മൊന്തകളിൽ (മാലക്കാവടി..)