ഇലവംഗപൂവുകൾ

ഇലവംഗപ്പൂവുകൾ മിഴി തുറന്നു
ഇലഞ്ഞികൾ മലർ പെയ്തു തരിച്ചു നിന്നു
ഇന്ദീവരത്തിന്നിതളുകൾ നനഞ്ഞത്
നിൻ നയനം കണ്ടു നാണം കൊണ്ടോ സഖീ
നിൻ നയനം കണ്ടു നാണം കൊണ്ടോ

മാധവ മധുരിമയധരങ്ങളിൽ ചൂടി
വൈദേഹി വന്നതിനാലോ (2)
പൂമിഴി കാമന്റെ തൂണീരമാക്കും
ദേവനെ കണ്ടതിനാലോ
ആപാദ ചൂഡം ചിരി കൊണ്ടു മൂടി
അണിഞ്ഞൊരുങ്ങിയീ പഞ്ചവടി(ഇലവംഗ..)

സാഗരനീലിമ ചാലിച്ചു മെഴുകിയ
തിരുമെയ് പുണരുന്ന നേരം(2)
മരവുരി ചുറ്റിയ മാകന്ദമേനി
മടിയിൽ തുടിക്കുന്ന നേരം
ആശ്രമം  പോലും അരമനയാകും
അനവദ്യമോഹനമീ ജീവനം (ഇലവംഗ..)