ആടാതെ തളരുന്ന

ആടാതെ തളരുന്ന മണിച്ചിലങ്ക നീ

പാടാതെ തകരുന്നവീണക്കമ്പി

കതിർമണ്ഡപം നിൻ തടവറയായി

കല്യാണ മാല്യം കൈവിലങ്ങായി

കല്യാണമാല്യം കൈവിലങ്ങായ് ( ആടാതെ..)

ഒരു പോലെ ചുവപ്പണി

ഞ്ഞൊരു പോലെ ചിരിക്കും

ഉഷസ്സിനും സന്ധ്യക്കുമിടയിൽ

പകലായെരിയുന്നു നീ

പാപം ചെയ്യാത്ത വെളിച്ചം

നീ തേടിയതാരെ നേടിയതാരേ

നിൻ ജീവിതമാം ചതുരംഗക്കളത്തിൽ

കാലം കള്ളക്കരു നീക്കി

അടി തെറ്റി തളർന്നും അലമാല ഞൊറിഞ്ഞും

അലയുന്ന ദുഃഖാഗ്നിത്തിരയിൽ

കരയായലിയുന്നു നീ

കരയാനറിയാത്ത തീരം ഞാൻ

നീ തേടിയതാരേ... നേടിയതാരേ..

നിൻ ജീവിതമാം ചതുരംഗക്കളത്തിൽ

കാലം കള്ളക്കരു നീക്കി (ആടാതെ...)