പൂവിനുള്ളിൽ പൂവിരിയും പൂക്കാലം വന്നൂ
പ്രേമവതീ
നിന്നെപ്പോലൊരു പൂക്കാലം വന്നൂ
(പൂവിനുള്ളിൽ...)
കവികൾ
വാഴ്ത്തിവന്ന പ്രേമരംഗം...
കമനീയ ഭാവനാ സ്വപ്നരംഗം....
സിയോനിന്റെ
താഴ്വരയിൽ വന്നുവോ ഞാൻ
ശലോമോന്റെ പ്രേമഗീതം
കേൾക്കുകയോ...
(പൂവിനുള്ളിൽ...)
പൂമരം മറഞ്ഞു നിന്നു
കാമദേവൻ...
പൂച്ചിലങ്ക കിലുങ്ങവേ മനസ്സുലഞ്ഞൂ....
തപസ്സിൽ
നിന്നുണർന്നെങ്ങും തേടുകയായ് ഞാൻ
താരുണ്യം തളിരണിഞ്ഞ
കന്യകയെ.......
(പൂവിനുള്ളിൽ...)
