മദ്രാസ് ലോഡ്‌ജ്‌

അനൂപ് മേനോന്റെ തിരക്കഥയിൽ വി.കെ.പ്രകാശ് സംവിധാനം ചെയ്‌ത് 2012ൽ തിയേറ്റ‌റുകളിലെത്തിയ ചിത്രമായിരുന്നു ട്രിവാൻഡ്രം ലോ‌ഡ്‌ജ്. ജയസൂര്യ, അനൂപ് മേനോൻ, ഭാവന, ഹണി റോസ് എന്നിവർ പ്രധാനകഥാപാത്രങ്ങളായി എത്തിയ ചിത്രത്തെ പ്രേക്ഷകർ ഇരുകൈയും നീട്ടിയാണ് സ്വീകരിച്ചത്.

ഇപ്പോഴിതാ ആറ് വർഷങ്ങൾക്ക് ശേഷം ട്രിവാൻഡ്രം ലോ‌ഡ്‌ജ് ടീം വീണ്ടും വീണ്ടും എത്തുകയാണ്. 'മദ്രാസ് ലോഡ്‌ജ്' എന്ന് പേരിട്ടിരിക്കുന്ന ചിത്രത്തിന്റെ ഫസ്‌റ്റ്ലുക്ക് പോസ്‌റ്റർ അനൂപ് തന്റെ ഫേസ്ബുക്ക് പേജിലൂടെ പ്രേക്ഷകരുമായി പങ്കുവച്ചിട്ടുണ്ട്. 999 എന്റർടെയിൻമെന്റിന്റെ ബാനറിൽ നോബിൾ ജോസാണ് ചിത്രം നിർമ്മിക്കുന്നത്.

എന്നാൽ ട്രിവാൻഡ്രം ലോ‌ഡ്‌ജിന്റെ രണ്ടാംഭാഗമാണോ പുതിയ ചിത്രം എന്നത് സംബന്ധിച്ച് അണിയറപ്രവർത്തകർ ഇതുവരെ പ്രതികരിച്ചിട്ടില്ല. അഭിനേതാക്കൾ ആരെല്ലാമാണെന്നതും പുറത്തുവന്നിട്ടില്ല..