| Director | Year | |
|---|---|---|
| ഈ പുഴയും കടന്ന് | കമൽ | 1996 |
| കൃഷ്ണഗുഡിയിൽ ഒരു പ്രണയകാലത്ത് | കമൽ | 1997 |
| അയാൾ കഥയെഴുതുകയാണ് | കമൽ | 1998 |
| കൈക്കുടന്ന നിലാവ് | കമൽ | 1998 |
| നിറം | കമൽ | 1999 |
| മധുരനൊമ്പരക്കാറ്റ് | കമൽ | 2000 |
| മേഘമൽഹാർ | കമൽ | 2001 |
| ഗ്രാമഫോൺ | കമൽ | 2002 |
| നമ്മൾ | കമൽ | 2002 |
| സ്വപ്നക്കൂട് | കമൽ | 2003 |
കമൽ
ട്രാവൽ ഏജന്സി നടത്തുന്ന അരവിന്ദന് (സിദ്ദിക്ക്) അപ്രതീക്ഷിതമായി പഴയൊരു കൂട്ടുകാരൻ ഗോപാലകൃഷ്ണന്റെ (ശ്രീനിവാസൻ) കത്തുകിട്ടുന്നു. കുറെ കാലമായി യാതൊരു വിവരവും ഇല്ലാതിരുന്ന ഗോപാലകൃഷ്ണന്റെ കത്തിൽ പഴയ കൂട്ടുകാരായിരുന്ന അരവിന്ദനെയും സുജനപാലനെയും (ജഗദീഷ്) ഗംഗനെയും(മണിയൻപിള്ള രാജു) കാണാൻ ആഗ്രഹമുണ്ടെന്നും അടുത്ത ഞായറാഴ്ച പറ്റുമെങ്കിൽ വരണമെന്നും എഴുതിയിരുന്നു. തുടർന്ന് അവർ ഞായറാഴ്ച ഗോപാലകൃഷ്ണനെ കാണാൻ പോകാൻ തീരുമാനിക്കുന്നു.
പോകുന്ന വഴിക്ക് അവർ പഴയ കാര്യങ്ങൾ ഓർക്കുന്നു. അഞ്ചു വർഷം മുൻപ് നാലുപേരും ഒരു പാരലൽ കോളേജിൽ അദ്ധ്യാപകരായി ജോലി നോക്കുന്ന സമയം. ഒരു വീട്ടിൽ ആയിരുന്നു അവരുടെ താമസം. പരമശുദ്ധനും പിശുക്കനും അരസികനുമായ ഗോപാലകൃഷ്ണൻ മാഷെ കബളിപ്പിക്കലായിരുന്നു അവരുടെ പ്രധാന പരിപാടി. ഒരു ദിവസം അവർ ഗോപാലകൃഷ്ണൻ മാഷെ കാര്യമായി ഒന്നു കബളിപ്പിക്കാൻ തീരുമാനിക്കുന്നു. അടുത്തുള്ള ബാങ്കിൽ ജോലി നോക്കുന്ന രാധികയ്ക്ക്(രേഖ) ഗോപാലകൃഷ്ണൻ മാഷെ ഇഷ്ടമാണെന്ന് അവർ ഗോപാലകൃഷ്ണൻ മാഷെ പറഞ്ഞു വിശ്വസിപ്പിക്കുന്നു. അടുത്തുള്ള ബാങ്കിൽ ജോലി നോക്കുന്ന രാധികയ്ക്ക്(രേഖ) ഗോപാലകൃഷ്ണൻ മാഷെ ഇഷ്ടമാണെന്ന് അവർ ഗോപാലകൃഷ്ണൻ മാഷെ പറഞ്ഞു വിശ്വസിപ്പിക്കുന്നു. രാധികയുടെതെന്ന പേരിൽ അവർ സ്ഥിരമായി കത്തെഴുതുന്നു. മറുപടി ബാങ്കിലെ പ്യൂണിന്റെ കയ്യിൽ ഏല്പിക്കുന്നു. പ്യൂണ്‍ ഒത്തുകളിക്കുകയാണ് എന്ന് പാവം ഗോപാലകൃഷ്ണൻ അറിയുന്നില്ല.
രാധികയുമായി അഗാധമായി പ്രണയത്തിലാവുന്ന ഗോപാലകൃഷ്ണൻ ഒരിക്കൽ രാധികയോട് എല്ലാം പറയാൻ ശ്രമിക്കുന്നു. രാധികയുടെ കൂടെ എപ്പോഴും കാണുന്ന ബന്ധുവിനെ ഗോപാലകൃഷ്ണൻ ഒരു വില്ലനായി കാണുന്നു. ഒരു ദിവസം ബസ് സ്റ്റോപ്പിൽ വച്ച് ഗോപാലകൃഷ്ണൻ രാധികയോട് സംസാരിക്കാൻ ശ്രമിക്കുന്നു. പരിഭ്രാന്തയായ രാധിക കയർത്ത് സംസാരിക്കുന്നു. നാട്ടുകാർ ഇടപെടുകയും അത് കയ്യാങ്കളിയിൽ കലാശിക്കുന്നു. ആശുപത്രിയിലായ ഗോപാലകൃഷ്ണനെ കാണാൻ രാധികയുടെ ബന്ധു വരികയും ആരോ ഗോപാലകൃഷ്ണനെ കളിപ്പിക്കുകയാണെന്നും അയാളെ ബോധ്യപ്പെടുത്തുന്നു. ആകെ തകർന്ന ഗോപാലകൃഷ്ണൻ ആരുമറിയാതെ അവിടം വിടുന്നു.
പിന്നീട് ഗോപാലകൃഷ്ണനെപറ്റി ആർക്കും ഒന്നും അറിയില്ല. അരവിന്ദനും കൂട്ടരും ട്രെയിനിറങ്ങി. ഗോപാലകൃഷ്ണൻ അവരെ കാത്തു നിൽകുന്നത് അവർ കാണുന്നു. ഗോപാലകൃഷ്ണന്റെ കൂടെ അവർ വാനിൽ കയറി പോകുന്നു. ഇത്രയും കാലം എവിടെ ആയിരുന്നെന്നു അവർ ഗോപാലകൃഷ്ണനോട് ചോദിക്കുന്നു. ഗോപാലകൃഷ്ണൻ വഴിയിലൊരിടത്ത് വണ്ടി നിർത്തുന്നു. പഴയ പ്രണയ നൈരാശ്യത്തെ തുടർന്ന് ആത്മഹത്യയുടെ വക്കിലെത്തിയ ഗോപാലകൃഷ്ണൻ നാടുവിട്ട് ദൂരെയൊരിടത്ത് സ്കൂളിൽ ജോലിക്ക് പ്രവേശിച്ചു. പഴയ തകർച്ചയ്ക്ക് കാരണക്കാരായ അരവിന്ദനെയും കൂട്ടരെയും തോക്കുചൂണ്ടി കൊല്ലുമെന്നു ഭീഷണിപ്പെടുത്തുന്നു.