ഡയൽ 1091

സ്ത്രീകൾക്ക് നേരെ വർദ്ധിച്ചു വരുന്ന ശാരീരിക അതിക്രമങ്ങൾക്കെതിരെയും സൈബർ കുറ്റകൃത്യങ്ങൾക്കെതിരെയും ബോധവൽക്കരണം ഉദ്ദേശിച്ച് നിർമ്മിച്ച സിനിമയാണ് ഡയൽ 1091. കേരളാ പോലീസിന്റെ വനിതാ ഹെല്പ് ലൈൻ നമ്പറാണ് 1091. കൂടുതൽ ജനങ്ങളിലേയ്ക്ക് ആ സേവനം എത്തിയ്ക്കുക എന്നതും ഈ സിനിമയുടെ ലക്ഷ്യമാണ്. സോദ്ദേശസിനിമയാണെങ്കിലും കച്ചവടസിനിമയുടെ കെട്ടിലും മട്ടിലും,സസ്പെൻസ് നിലനിർത്തിക്കൊണ്ടാണ് ചിത്രം തയ്യാറാക്കിയിരിയ്ക്കുന്നത്. ശിവജി ഗുരുവായൂർ,ദേവൻ,ഊർമ്മിളാ ഉണ്ണി,ബിന്ദു വരാപ്പുഴ തുടങ്ങിയവരോടൊപ്പം അനേകം പുതുമുഖങ്ങളും ഡയൽ 1091ൽ അഭിനയിയ്ക്കുന്നു.