കൗബോയ്

മലേഷ്യയിൽ താമസിക്കുന്ന വിനയ് (ആസിഫ് അലി) മലേഷ്യാ നഗരത്തിൽ കൗബോയ് എന്ന പേരിൽ ഒരു പബ്ബ് നടത്തുന്നു. ഡാൻസ് ബാറായതുകാരണം വിനയുടെ അച്ഛനും (കലാശാല ബാബു) അമ്മക്കും (അംബികാ മോഹൻ) ആ ബിസിനസ്സ് തീരെ ഇഷ്ടപ്പെടുന്നില്ല. രാത്രി ജോലിയും പകലുറക്കുവുമാണ് വിനയ് ക്ക്. മടിയനും മറ്റു ബിസിനസ്സിൽ താല്പര്യമില്ലാത്തവനുമായ വിനയിനോടു സഹോദരിയുടെ (ലെന) ഭർത്താവിനു (ഇർഷാദ്) തീരെ താല്പര്യമില്ല. ഇവരുടെ മകൻ വിനയിന്റെ ഫാമിലിക്കൊപ്പം വെക്കേഷൻ ചിലവിടുന്നു. അവനെ തിരിച്ചു കൊണ്ടുപോകാൻ മലേഷ്യൻ എയർപോർട്ടിലേക്ക് വന്ന സഹോദരിക്കും ഭർത്താവിന്റേയും അടുത്ത് അവരുടെ കൊച്ചു മകനെ എത്തിക്കേണ്ട ചുമതല ഒരു ദിവസം രാവിലെ വിനയ്ക്കു വന്നു ചേരുന്നു.

കൊച്ചു മകനേയും കൊണ്ട് വിനയ് എയർപോർട്ടിലേക്ക് പോകും വഴിയാണ് ഫ്ലൈറ്റ് ഡിലേ ആണെന്ന് അറിയുന്നത്.അതുകൊണ്ട് കുറച്ചു സമയം മലേഷ്യാ നഗരത്തിൽ ചുറ്റിയടിക്കാം എന്ന് വിനയിയും കൊച്ചു കുട്ടിയും തീരുമാനിക്കുന്നു.ഒരു റെസ്റ്റോറന്റിൽ ഭക്ഷണം കഴിച്ചു കൊണ്ടിരിക്കെ പയ്യന്റെ കഴുത്തിലുള്ള രത്നമാല രണ്ട് ഗുണ്ടകൾ തട്ടിയെടുക്കാൻ ശ്രമിക്കുന്നു. അത് കണ്ട് വിനയ് ഇരു ഗുണ്ടകളേയും പ്രതിരോധിക്കാൻ ശ്രമിക്കുന്നു. നഗരത്തിൽ വെച്ച് അതി സാഹസികമായ ഒരു സംഘട്ടനത്തിൽ വിനയ് അവരെ തോൽപ്പിച്ച് മാല തിരിച്ചെടുക്കുന്നു. വിനയിയുടെ ഈ സംഘട്ടനം മലയാളികളായ ഒരു സംഘം ശ്രദ്ധിക്കുന്നു. തിരിച്ച് എയർപോർട്ടിലേക്ക് പോകാൻ ശ്രമിക്കുന്ന വിനയിനെ അവർ തടയുന്നു. സേവ്യർ എന്ന പോലീസ് ഉഗ്യോഗസ്ഥനെന്ന് സ്വയം പരിചയപ്പെടുത്തിയ യുവാവ് (ബാല) വിനയിനെ നിർബന്ധിച്ച് തന്റെ കാറിൽ കയറ്റുന്നു. സേവ്യറിന്റെ ഒപ്പം അവരുടെ സെക്രട്ടറി എന്നു തോന്നിക്കുന്ന സ്ത്രീയുമുണ്ടായിരുന്നു. കാറിൽ സഞ്ചരിക്കവേ സെവ്യർ വിനയിനെ ഭീഷണിപ്പെടുത്തുന്നു. തനിക്ക് ഒരാളെ കൊല്ലാൻ ഉദ്ദേശമുണ്ടെന്നും വിനയ് അത് ചെയ്തു തരണമെന്നും അലെങ്കിൽ വിനയിന്റെ ഒപ്പമുള്ളപയ്യനെ കൊന്നു കളയുമെന്നും സേവ്യർ ഭീഷണിപ്പെടുത്തുന്നു. മറ്റു മാർഗ്ഗമില്ലാതെ വിനയിനു അത് സമ്മതിക്കേണ്ടിവരുന്നു. കൊല്ലേണ്ട ആളുടെ ഫോട്ടോയും വിവരങ്ങളും അവർ താമസിക്കുന്ന ഹോട്ടലും സേവ്യർ പറഞ്ഞു കൊടുക്കുന്നു. തന്നെ ഈ പരിചയമില്ലാത്ത ജോലിയിൽ നിന്നും മാറ്റണമെന്നും തിരിച്ചയക്കണമെന്നും വിനയ് കരഞ്ഞു പറഞ്ഞെങ്കിലും ക്രൂരനായ സേവ്യർ അതിനു സമ്മതിക്കുന്നില്ല. മറ്റു മാർഗ്ഗമില്ലാതെ വിനയ് ഹോട്ടലിലേക്ക് കൊലപാതകം നടത്താൻ പോകുന്നു.

അവിടെ ചെന്നപ്പോഴാണ് വിനയ് അറിയുന്നത് താൻ കൊല്ലാൻ പോകുന്നത് ഇന്ത്യൻ വിദേശ കാര്യ മന്ത്രിയായ രേവതിമേനോനെ (ഖുശ്ബു) ആണെന്ന്. അതിൽനിന്നും പിന്തിരിയാനും വിവരം മന്ത്രിയെ ധരിപ്പിക്കാനും വിനയ് ശ്രമിക്കുന്നുവെങ്കിലും പരാജയപ്പെടുന്നു.മാത്രമല്ല സേവ്യർ ആരാണെന്നും മന്ത്രിയുമായി എന്താണ് ബന്ധമെന്നും വിനയ് അപ്പോഴാണറിയുന്നത്. സേവ്യറിന്റെ ചാരന്മാർ നിറഞ്ഞ ആ ഹോട്ടലിൽ വെച്ച് തന്നിൽ നിർബന്ധിതമായ ഉദ്യമത്തിൽ നിന്നും പിന്തിരിയാൻ വിനയിനു ആകുമായിരുന്നില്ല