കാൽപ്പാടുകൾ

ഒരു നമ്പൂതിരി കുടുംബവും ആ ജന്മിയുടെ ആശ്രിതരായ ഈഴവ കുടുംബവും ജാതി വ്യവസ്ഥയുടെ ഉച്ചനീചത്വങ്ങൾക്ക് മാതൃകയായെടുത്താണ് കഥ മെനഞ്ഞിരിക്കുന്നത്. ഉണ്ണിനമ്പൂരി ഈഴവനായ മാക്കോതയുറ്റെ മകളെ പ്രേമിച്ച് വിവാഹം കഴിയ്ക്കുന്നു. ഒരു പുള്ളുവ കുടുംബവും മിശ്രവിവാഹത്തിനു കരുവാക്കാൻ പാകത്തിലുള്ള അവന്റെ സോദരിയും കഥയിലുണ്ട്. ഈ കഥാ തന്തുവിലാണ് ശ്രീനാരായണ ഗുരുവിന്റെ വിപ്ലവപ്രവർത്തനങ്ങളെ കൂട്ടിയിണക്കിയിട്ടുള്ളത്. സഹോദരൻ അയ്യപ്പന്റെ സ്ഥാനത്ത് തദ് സദൃശനായ ഒരു മാസ്റ്ററെ അവതരിപ്പിച്ചിരിക്കുന്നു. കുമാരനാശാനും കഥാപാത്രമാണ്. “കേരളത്തിലെ കണ്ടങ്കാളികളെ സുബ്രഹ്മണ്യന്മാരാക്കി അവശസമുദായങ്ങൾക്ക് ഒടുങ്ങാത്ത ആവേശവും പുതുജീവനും നൽകാൻ സ്വാമിജി ചെയ്തതിൽ ചിലതെല്ലാം കൊള്ളാവുന്ന മട്ടിൽ പകർത്തപ്പെട്ടിട്ടുണ്ട്’ എന്ന് സിനിക്ക്.