മരുഭൂമിയിൽ വന്ന മാധവമേ

മരുഭൂമിയിൽ വന്ന മാധവമേ നീ
മടങ്ങിപ്പോകുകയോ
മന്ദസ്മിതത്താലെൻ കണ്ണുനീരൊപ്പിയ നീയും
മരീചികയോ നീ - മടങ്ങിപ്പോകുകയോ

അറിയാതിളം പൈതൽ തെറ്റുചെയ്തീടുകിൽ
അമ്മ പിണങ്ങീടുമോ ആ....
ചിറകറ്റ പൈങ്കിളിതൻ തൂവൽ മുട്ടിയാൽ
ചില്ല ഉണങ്ങീടുമോ - പൂമര ചില്ലയുണങ്ങീടുമോ
(മരുഭൂമിയിൽ..)

പിച്ചനടക്കുമെൻ സ്വപ്നങ്ങൾ ദുഃഖത്തിൻ
ഉച്ചവെയിൽ താങ്ങുമോ
ഊമയാം പൂവിനെ തൊട്ടുതലോടാതെ
ഉഷസ്സേ നീ പോകുമോ - സ്നേഹത്തിൻ
ഉഷസ്സേ നീ പോകുമോ
(മരുഭൂമിയിൽ..)