ഓ ...കന്യകേ ...
സ്വര്‍ണ്ണത്താമരയിതളിലുറങ്ങും
കണ്വതപോവന കന്യകേ
ആരുടെ അനുരാഗമല്ലിക നീ
ആരുടെ സ്വയംവരകന്യക നീ
(സ്വര്‍ണ്ണ... )
ചൂടാത്ത നവരത്നമണി പോലെ
ചുംബനമറിയാത്ത പൂ പോലെ (2)
നുള്ളാത്ത തളിര്‍ പോലെ
മീട്ടാത്ത ശ്രുതി പോലെ
നുകരാത്ത മധു പോലെ - നിന്നു നീ
നുകരാത്ത മധു പോലെ
(സ്വര്‍ണ്ണ... )
കാലില്‍ ദര്‍ഭമുന കൊണ്ടിട്ടോ
മാറില്‍ പുഷ്പശരം കൊണ്ടിട്ടോ (2)
അല്ലിപ്പൂന്തണലില്‍ നാണിച്ചു നിന്നു നീ
അരയന്നപ്പിട പോലെ - നിന്നു നീ
അരയന്നപ്പിട പോലെ
സ്വര്‍ണ്ണത്താമരയിതളിലുറങ്ങും
കണ്വതപോവന കന്യകേ
ആരുടെ അനുരാഗമല്ലിക നീ
ആരുടെ സ്വയംവരകന്യക നീ
