പാടാത്ത വീണയും പാടും

പാടാത്ത വീണയും പാടും
പ്രേമത്തിൻ ഗന്ധർവ വിരൽ തൊട്ടാൽ
പാടാത്ത മാനസവീണയും പാടും 

സ്വപ്നങ്ങളാൽ പ്രേമസ്വർഗ്ഗങ്ങൾ തീർക്കുന്ന
ശില്പിയാണീ മോഹ നവയൗവ്വനം
നീലമലർമിഴി തൂലിക കൊണ്ടെത്ര
നിർമ്മലമന്ത്രങ്ങൾ നീയെഴുതീ
ഓ..ഓ..മറക്കുകില്ലാ - മറക്കുകില്ലാ
ഈ ഗാനം നമ്മൾ മറക്കുകില്ലാ
(പാടാത്ത..)

ചിന്തകളിൽ രാഗചന്ദ്രികചാലിച്ച
മന്ദസ്മിതം തൂകി വന്നവളേ
ജന്മാന്തരങ്ങൾ കഴിഞ്ഞാലുമിങ്ങനെ
നമ്മളൊന്നാകുമീ ബന്ധനത്താൽ
ഓ...ഓ... അകലുകില്ലാ - അകലുകില്ലാ
ഇനിയും ഹൃദയങ്ങളകലുകില്ലാ 

പാടാത്ത വീണയും പാടും
പ്രേമത്തിൻ ഗന്ധർവ വിരൽ തൊട്ടാൽ
പാടാത്ത മാനസവീണയും പാടും