മണിനാദം മണിനാദം

മണിനാദം മണിനാദം
മായാമോഹന മണിനാദം
മനസ്വിനീ നിൻ പൊൻവിരൽ തൊട്ടാൽ
സൈക്കിൾ മണിയിലും സംഗീതം

മണിനാദം മണിനാദം
മായാമോഹന മണിനാദം
നിറഞ്ഞു കവിയും നമ്മുടെ ഹൃദയം
സ്വരങ്ങളായൊരു സംഗീതം

വഴിമാറിത്തരില്ല ഞാൻ എൻ
പിറകിൽ വേണം നീയണയാൻ
വഴി വേണ്ടല്ലോ നിൻ ഹൃദയത്തിൽ
ഇടം കവർന്നവളല്ലേ ഞാൻ
(മണിനാദം..)

വിടരുന്ന പൂവെയിലിൻ തിരയിൽ
ഇരു നിഴലുകൾ തമ്മിൽ പുണരുന്നു
പുണരും മധുരസ്മരണകളിൽ നാം
ഇരുവേണികളായൊഴുകുന്നൂ
(മണിനാദം..)