മുഖം മനസ്സിന്റെ കണ്ണാടി
മന്ദസ്മിതം കിനാവിന്റെ പൂവാടി
സ്വരം വികാരത്തിന്‍ തരംഗിണി
പ്രാണസഖി നീയെന്‍ പ്രേമസ്വരൂപിണി
(മുഖം...)
ഈ ഹൃദയമിടിപ്പുകള്‍
അടക്കിയസ്വരത്തില്‍ ആലാപിയ്ക്കും
അനുരാഗമന്ത്രങ്ങള്‍
ഏതോ മാസ്മരമാമൊരു ലഹരിയില്‍
എന്നെ മയക്കി
അധരപുടങ്ങളില്‍ ഒരു ചുംബനത്തിന്‍
മധുരം നല്‍കിയെന്നെ ഉണര്‍ത്തി
ആഹഹാ......
(മുഖം...)
ഈ പുതിയ ചിറകുകള്‍
പരസ്പരം പുണരാന്‍ മാറില്‍ മുളയ്ക്കും
പ്രണയാഭിലാഷങ്ങള്‍
ഏതോ മദകരമാമൊരു മറവിയില്‍
എന്നെമയക്കീ
അപരിചിതങ്ങളാം അനുഭൂതികള്‍തന്‍
ഹരിതദ്വീപിലെന്നെ ഉണര്‍ത്തി
ആഹഹാ....
(മുഖം...)
