ഓടക്കുഴലുമായ്

ഓടക്കുഴലുമായ് വന്നവനിന്നലെ
ഓമനപ്പാട്ടുകള്‍ പാടാന്‍
പാടത്തിന്മേലേ തണലിലിരുന്നവന്‍
പാടാത്ത പാട്ടുകളില്ല (ഓടക്കുഴലുമായ് ...)

കാത്തിരുന്നൊരു പൈങ്കിളിയേ നിന്‍
പാട്ടിനു തംബുരു മീട്ടാന്‍
കാട്ടുമുളകളിലിക്കിളി പാകീ
കാറ്റിന്‍ കുഞ്ഞിക്കൈകള്‍ (ഓടക്കുഴലുമായ് ..)

ഓണക്കതിരുകള്‍ പാലടയൂട്ടിയ
ശര്‍ക്കരമാവിന്‍ ചോട്ടില്‍
കാത്തിരിക്കും കരളിനെയോര്‍ത്തൊരു
പാട്ട് നെയ്തു തരില്ലേ (ഓടക്കുഴലുമായ് ..)