രാഗതരംഗിണി നീയണയുമ്പോൾ

രാഗതരംഗിണീ ഓ...ഓ...
രാഗതരംഗിണീ നീയണയുമ്പോൾ
രാധാമാധവ സ്മൃതിയുണരും
ഞാനറിയാതെൻ പ്രാണനാളികയൊരു
വേണുവായ്‌ മാറും - കനക
വേണുവായ്‌ മാറും
രാഗതരംഗിണീ...

ഹൃദയമുരളിയിൽ രാധിക നീയൊരു
മദനമനോഹര രാഗമായി
ഓരോ ചുംബനവർണ്ണങ്ങളിലും ലയ
വൃന്ദാവന മലരൊളിയായ്‌
മലരൊളിയായ്‌ - ഒളിയായ്‌
(രാഗതരംഗിണീ..)

കവനയമുനയിൽ കാമിനി നീ നവ-
മാരകാകളി കേളിയാടി
ഓരോ സങ്കൽപ്പ നൂപുരമണിയിലും
രൂപക ഭാവന നൃത്തമാടി
നൃത്തമാടി - ആടീ
(രാഗ തരംഗിണീ..)