ചാമുണ്ഡേശ്വരി രക്തേശ്വരി
ഭൂമണ്ഡലാധീശ്വരി പ്രസീത
ഹേമാംബരാഡംബരീ
കാളി നിന്‍പാ‍ദ സിന്ദൂരാരുണ
ധൂളി തിലകങ്ങള്‍ ചാര്‍ത്തി
പദ്മാസനസ്ഥനായ് പ്രാര്‍ഥനാനിരതനായ്
ഭക്തനിരിപ്പൂ മുന്നില്‍ - പ്രിയ
പുത്രനിരിപ്പൂ മുന്നില്‍
കാളികാവില്‍ വാണരുളും ഭദ്രകാളീ
ജയകാളി മഹാകാളി രുദ്രകാളി
വ്യാളീമുഖം വെച്ച നിൻ പ്രഭാമണ്ഡലം
വാളിന്നൊളിയാകണം
ഈ പടവാളിന്നൊളിയാകണം
മായേ നിന്‍ രൂപമാപാദചൂഡമീ
മനസ്സിലുദിക്കേണം എന്നും
മനസ്സിലുദിക്കേണം
കാളികാവില്‍ വാണരുളും ഭദ്രകാളീ
ജയകാളി മഹാകാളി രുദ്രകാളി
ദാരികശിരസ്സില്‍ നിന്നുതിരും രുധിരമീ
തീര്‍ഥക്കുമ്പിളില്‍ നിറയേണം
നിര്‍മാല്യമായ് മാറിലണിയാന്‍ നല്‍കണം
നിന്‍ നാഗഫണത്തിരുവാഭരണം
കാളികാവില്‍ വാണരുളും ഭദ്രകാളീ
ജയകാളി മഹാകാളി രുദ്രകാളി
