പാടുന്ന പൈങ്കിളിക്ക് പൊന്നിന്റെ കൂട്ടിനുള്ളിൽ
പാലും പഴവും നൽകുന്നവരേ
കണ്ണുനീർക്കവിതകൾ പാടിക്കൊണ്ടലയുമീ
മണ്ണിന്റെ മക്കൾക്ക് വിശക്കുന്നൂ
ഒഴുകുന്ന കണ്ണീരിൻ കഥകൾ പാടി
ഒരു ചാൺ വയറിനു വഴിയും തേടി
പാടാത്ത പാട്ടിന്റെ കാണാത്ത ചിറകിന്മേൽ
പറക്കുമ്പോൾ വേദന മറക്കുന്നു
മണ്ണിന്റെ മക്കൾക്ക് വിശക്കുന്നൂ
ഞങ്ങളിൽ ദൈവത്തെ കാണുന്നൂ ജ്ഞാനികൾ
ഞങ്ങൾക്കായ് പൊരുതുന്നൂ നേതാക്കൾ
തളരുമ്പോൾ ഒരു തുള്ളി ദാഹനീര്‍ മാത്രം
തരുവാനാരും കനിഞ്ഞില്ല
മണ്ണിന്റെ മക്കൾക്ക് വിശക്കുന്നൂ
പാടുന്ന പൈങ്കിളിക്ക് പൊന്നിന്റെ കൂട്ടിനുള്ളിൽ
പാലും പഴവും നൽകുന്നവരേ
കണ്ണുനീർക്കവിതകൾ പാടിക്കൊണ്ടലയുമീ
മണ്ണിന്റെ മക്കൾക്ക് വിശക്കുന്നൂ
